Idrettsdag

Søndag vart det arrangert Idrettsdag på Idrettsbana. Om lag 60 personar koste seg i finvêret og deltok på mosjonsløp, lengdehopp, kulestøt og 60 meter. 

Dagen byrja med 1,5 km mosjonsløp rundt Hardbakke sentrum, alternativt 3.000 meter for dei som ville prøve seg på å ta idrettsmerket. Det var mange som syns dette var gøy, og framfor alt dei yngste gjorde ein kjempe-jobb med å springe mosjonsløpet.

Etterpå var det lengdehopp, kulestøt og 60 meter på Idrettsbana. For dei minste hadde Sparebanken Sogn og Fjordane konglekasting, og dei litt eldre kunne prøve seg på både frisbeegolf og skateboarding. I tillegg var det sal av suppe (takk til Solund Verft som sponsra), svele og fruktsalat.

Solund Idrettslag ynskjer å takke alle som stilte og gjorde dette til ein fantastisk ettermiddag med mykje gøy for både vaksne og born. Takk også til arrangement-kommitteen og dei som bidrog med tid på både laurdagen og søndagen.

Tekst og bilete: Mark Elvevåg